Fota Siarhieja Hudzilina
Radavy raźviedbataljona 6-j asobnaj hvardziejskaj mechanizavanaj bryhady, jakaja bazujecca ŭ Hrodnie, uskryŭ sabie vieny.
Kroŭ zaŭvažyli kalehi, chłopca ŭdałosia vyratavać. Pra heta paviedamiŭ telehram-kanał Nexta.
Nadzvyčajnaje zdareńnie adbyłosia 23 lipienia. Sałdat byŭ pryzvany ŭ vojska ŭ mai 2019 hoda.
Pres-sakratar Ministerstva abarony Uładzimir Makaraŭ skazaŭ Radyjo Svaboda, što 23 lipienia ŭ adnoj z vajskovych častak hrodzienskaha harnizona zafiksavany «demanstracyjna-ŭstanovačnyja dziejańni, jakija majuć prykmiety zamachu na złačynstva «členaškodnictva».
Jon skazaŭ, što pravodzicca pravierka pa ŭsich kirunkach. Sałdata nakirujuć taksama ŭ miedycynskuju ŭstanovu.
«Kali hetyja prykmiety paćvierdziacca, to budzie raspačataja kryminalnaja sprava. Heta nie źjaŭlajecca zamacham na samazabojstva, bo čałaviek, jaki ŭčyniaŭ hetyja dziejańni, viedaŭ pra biaśpieku dziejańniaŭ, jakija jon rabiŭ», — skazaŭ U.Makaraŭ.
Što padšturchnuła vajskoŭca da hetaha ŭčynku, pavodle Makarava, taksama buduć vyśviatlać.
«Dahetul jon nieadnarazova kazaŭ pra suicydalnyja namiery. Choć hety vypadak nie źjaŭlajecca sprobaj suicydu. Bo sproba praduhledžvaje dziejańni, jakija nie pryviali da śmiarotnaha vyniku z pryčyny, jakaja nie zaležyć ad samoha čałavieka. Heta mienavita demanstracyjna-ŭstanovačnyja dziejańni».
