Kali stała zrazumiełaja dynamika rejtynhu Uładzimira Zialenskaha, kamanda kanclera Hiermanii Anhieły Mierkiel zrabiła dla jaje narezku ź sieryjała «Słuha naroda».
Pra heta raspavioŭ u intervju Ukrinform ministr zamiežnych spraŭ Ukrainy Paŭło Klimkin.
«Ja vam mahu adkryć tajamnicu, kali stała jasnaja dynamika rejtynhu Zialenskaha, navat dla kanclera Hiermanii Anhieły Mierkiel jaje kamanda narezała niekalki epizodaŭ ź sieryjała, kab jana pahladzieła», — skazaŭ Klimkin.
Klimkin adznačyŭ, što sam taksama jašče zadoŭha da vybaraŭ śpiecyjalna pahladzieŭ niekalki sieryj «Słuhi naroda».
«Ja ŭvohule liču, što treba hladzieć ukrainskuju miedyjaprastoru, kab razumieć, što adbyvajecca. Dy i prosta cikava! U rešcie rešt, ja liču, što niekatoryja rečy ŭ sieryjale zrobleny vielmi prafiesijna», — ličyć ministr.
