Alaksandra Pietraŭca, vajennaha kamisara Słuckaha i Staradarožskaha rajonaŭ, prysudzili da troch hadoŭ pazbaŭleńnia voli ŭ kałonii ŭzmocnienaha režymu i pazbavili zvańnia pałkoŭnika. Pradprymalnik Alaksandr Šyjanaŭ atrymaŭ dva hady «chimii», piša Infa-Kurjer.
Sud Słuckaha rajona pryznaŭ Alaksandra Pietraŭca i Alaksandra Šyjanava vinavatymi ŭ ździajśnieńni złačynstvaŭ pa ŭsich artykułach.
U dachod dziaržavy ź Pietraŭca spahoniać pracesualnyja vydatki ŭ pamiery 510,64 rubla. Jaho majomaść pakinuli pad aryštam. Majomaść Šyjanava ad aryštu vyzvalili.
Nahadajem, zatrymany ŭ studzieni pałkoŭnik Alaksandr Pietraviec abvinavačvaŭsia ŭ atrymańni chabaraŭ za vyzvaleńnie ad słužby, padbuchtorvańni ŭ złačynstvie i dačy chabaru. Taksama pa spravie prachodziŭ druhi abvinavačany — Alaksandr Šyjanaŭ, słucki pradprymalnik. Jamu vystavili abvinavačańnie za zamach na złačynstva i za davańnie chabaru.