Namieśnik hienieralnaha prakurora prynios apielacyjny pratest u sudovuju kalehiju pa kryminalnych spravach Minskaha haradskoha suda na prysud u dačynieńni da hałoŭnaha inžyniera MZKC Andreja Hałavača, paviedamiŭ BiełTA aficyjny pradstaŭnik Hienieralnaj prakuratury Dźmitryj Bryloŭ.
Hałoŭnaha inžyniera MZKC, jakoha trymali pad śledstvam bolš za čatyry hady, znoŭ apraŭdali — i narešcie vyzvalili
U prateście pastaŭlena pytańnie ab admienie prysudu z nakiravańniem spravy na novy razhlad. Padstavaj, na dumku prakuratury, stała nieadpaviednaść vysnovaŭ suda faktyčnym abstavinam spravy.
Sud pieršaj instancyi 19 lipienia pryznaŭ hałoŭnaha inžyniera Minskaha zavoda kołavych ciahačoŭ Andreja Hałavača nievinavatym. Jon byŭ apraŭdany za niedakazanaściu ŭdziełu ŭ ździajśnieńni złačynstva. Jaho vyzvalili z-pad varty ŭ zale suda.
Jak paviedamlałasia, mužčynu za atrymańnie chabaru zatrymali supracoŭniki hałoŭnaha ŭpraŭleńnia pa baraćbie z arhanizavanaj złačynnaściu i karupcyjaj MUS.
Sud Pieršamajskaha rajona Minska pačaŭ razhladać kryminalnuju spravu 29 traŭnia. Andreju Hałavaču było vystaŭlena abvinavačvańnie ŭ atrymańni chabaru ŭ asabliva bujnym pamiery i złoŭžyvańni ŭładaj abo słužbovymi paŭnamoctvami.
