Vuhorskaja avijakampanija Wizz Air viasnoj 2020 hoda pačnie ažyćciaŭlać paloty pa maršrucie Budapiešt-Minsk. Pra heta paviedamiŭ BiełTA dyrektar Departamienta pa avijacyi Ministerstva transpartu i kamunikacyj Biełarusi Arciom Sikorski.
«Vuhorskaja avijacyjnaja administracyja nakiravała na adras Departamienta pa avijacyi prajekt miemaranduma ab uzajemarazumieńni pa pryznačeńni ź siezona IATA viasna-leta 2020 na liniju Budapiešt-Minsk vuhorskaha pieravozčyka Wizz Air. Ciapier viadziecca praca pa jaho ŭzhadnieńni i padpisańni» - skazaŭ dyrektar departamienta.
Jon taksama paviedamiŭ, što avijacyjnyja ŭłady Biełarusi ŭzhadnili častatu palotaŭ z rasijskimi kalehami na siezon IATA vosień-zima 2019-2020. Jana zastaniecca na raniejšym uzroŭni - 63 rejsy na tydzień dla kožnaha z partnioraŭ.
Wizz Air - vienhierskaja łaŭkost-avijakampanija, adna z najbujniejšych u śviecie. Pracuje hałoŭnym čynam na rynku Centralnaj Jeŭropy.