Thinkstock
RF i Biełaruś u apošni čas zdoleli dosyć surjozna zblizić pazicyi pa pytańni admieny roŭminhu ŭ Sajuznaj dziaržavie, majuć namier zafiksavać heta ŭ adpaviednych dakumientach z kankretnymi datami i z ulikam hetaha pracavać u dalejšym, zajaviŭ u piatnicu namieśnik kiraŭnika Ministerstva ličbavaha raźvićcia, suviazi i masavych kamunikacyj RF Aleh Ivanoŭ, piša RIA Naviny.
«My pa pierapiscy dosyć surjozna zhładzili pazicyi, zaraz my chočam ich zafiksavać u «darožnaj karcie», raspracavać i padpisać jaje z dvuch bakoŭ, heta było b vielmi dobra, my da hetaha imkniemsia», - zajaviŭ Ivanoŭ u Połacku, dzie ŭ piatnicu prachodzić pracoŭnaja narada pradstaŭnikoŭ Biełarusi i RF pa pytańni admieny roŭminhu ŭ Sajuznaj dziaržavie.
Ivanoŭ dakładniŭ, što nieabchodnyja prajekty dakumientaŭ u krain užo majucca.
Ivanoŭ taksama raspavioŭ, što ŭ časie narady płanujecca ŭzhadnić pazicyi, pa jakich zastajucca razychodžańni. Pry hetym jon nie staŭ kamientavać paznačanuju raniej bakami mahčymaść admianić roŭminh na 15 vieraśnia albo da kanca biahučaha hoda.
U kancy lipienia kiraŭnik Minsuviazi RF Kanstancin Naskoŭ paviedamlaŭ, što Minsk i Maskva nie mohuć damovicca ab paramietrach admieny roŭminhu, bo Biełaruś nie hatovaja da ŭviadzieńnia biaspłatnych ŭvachodnych zvankoŭ dla abanientaŭ, jakija vandrujuć, na čym nastojvaje RF.