Biełaruś i Rasija ŭzhadnili pavyšeńnie taryfu na transparciroŭku nafty pa biełaruskaj terytoryi na 3,7% z 1 vieraśnia, paviedamlaje BiełTA.
Padčas pierahavoraŭ baki damovilisia ab nieabchodnaści zabieśpiačeńnia AAT «Homieltransnafta Družba» abjomaŭ vyručki ŭ pamierach, jakija prahnazavalisia na 2019 hod.
«Siońnia ni rasijski, ni biełaruski bok nie mohuć adnaznačna vyznačyć abjomy transparciroŭki nafty ŭ IV kvartale 2019 hoda, tamu my damovilisia na pieršym etapie pavysić taryfy na 3,7% i viarnucca da hetaha pytańnia pa vynikach pracy za hod. Takim čynam, pa vynikach raboty u 2019 hodzie budzie praviedzieny analiz situacyi z prapampoŭkaj nafty pa biełaruskaj častcy trubapravoda i vyznačany pamier dalejšaha źmianieńnia taryfaŭ», — adznačyli ŭ Biełnaftachimie.
