Kolkaść achviar tajfuna «Lekima», jaki abrynuŭsia na ŭschodniaje ŭźbiarežža KNR, vyrasła da 30 čałaviek, jašče 18 ličacca źnikłymi bieź viestak. Takija źviestki padaje ŭ niadzielu Centralnaje telebačańnie Kitaja.
Ahułam trapičny cykłon parušyŭ narmalnaje žyćcio zvyš 5,3 miljona čałaviek. Z-za ŭdaru stychii ŭłady byli vymušanyja evakuiravać u biaśpiečnyja rajony bolš za 1,2 młn čałaviek. Zalevy zatapili 185 tys. ha sielhasuhodździaŭ, mocnymi paryvami vietru paškodžanyja kala 36 tys. damoŭ. Pramy ekanamičny ŭron aceńvajecca ŭ $ 2,24 młrd.
Tajfun «Lekima» abrynuŭsia na ŭźbiarežža pravincyi Čžeczian ŭ rajonie horada Veńlin ŭ noč ź piatnicy na subotu. Chutkaść vietru ŭ epicentry składała kala 50 m/s. Ciapier trapičny cykłon pastupova hublaje svaju siłu i ruchajecca na poŭnač z chutkaściu kala 25 km/h.
U rajonie delty raki Janczy z-za tajfunu bolš čym na sutki byli parušany čyhunačnyja znosiny, va ŭsim rehijonie admienienyja abo zatrymanyja niekalki tysiač avijarejsaŭ.
