Minskaje «Dynama» vielmi niaŭdała pačało pieradsiezonku, zaniaŭšy na Kubku hubiernatara Nižaharodskaj vobłaści apošniaje miesca i razhromna sastupiŭšy ŭ apošnim matčy kamandzie z Taškienta «Chumo» 1:5, piša tut.by.
U minčan hulnia nie załadziłasia adrazu, jany prapuścili šajbu ŭžo na pieršaj chvilinie pieršaha pieryjadu ad Piepialajeva, na 12-j chvilinie pośpiech taškientciev zamacavaŭ Piepialajeŭ.
Druhi pieryjad taksama byŭ addadzieny «Chumo» - jany zabili adrazu try šajby. Ź ich dva hały byli prapuščanyja, kali minčanie hulali ŭ mienšaści. Pa zakančeńni pieryjadu ŭ «zubroŭ» prajšła źmiena hałkipieraŭ - Tałapiła vyjšaŭ zamiest Kulbakova.
U apošnim hulniavym adrezku Paŭłavič zabiŭ «šajbu honaru». Vynikovy razryŭ moh by być i mienšy, ale bulit nie realizavaŭ Drazdoŭ.
Adznačym, u Nižnim Noŭharadzie ŭ kamandy ź Minska było 16 čałaviek na probnych kantraktach, ź jakich pałova - heta niadaŭnija hulcy junackaj i moładzievaj zbornych, jakija ŭpieršyniu vystupali na takim uzroŭni.