Anatol Labiedźka zapisaŭ videazvarot, u im jon zaklikaje padpisać pietycyju za zvalnieńnie staršyni Centralnaj vybarčaj kamisii Lidzii Jarmošynaj. Choć papiaredniaja sproba palityka dahrukacca da samoha Łukašenki nie pryniesła plonu, jon vyrašyŭ nie spyniacca. Hetym razam jon vystupaje za adstaŭku Lidzii Jarmošynaj.
«Miljony ludziej chočuć pieramienaŭ. Pieramieny pačynajucca ź dziejańniaŭ. Z małych, ale važnych krokaŭ. Jak, naprykład, patrabavańnie adstaŭki adyjoznaj Jarmošynaj. Heta imia naminalnaje, heta sinonim słoŭ «chłuśnia», «padman», «falsifikacyi». Heta ŭ tym liku i z-za jaje amal siem miljonaŭ vybarcaŭ Biełarusi nie majuć prava vybaru.
Padpišy pietycyju za adstaŭku Jarmošynaj, pakažy ŭładzie, što ty stamiŭsia ad chłuśni, što ty chočaš pazityŭnych pieramienaŭ!» — zaklikaje palityk.
