Sacyjalnaja sietka Twitter vyrašyła admovicca ad rekłamy dziaržaŭnych srodkaŭ masavaj infarmacyi. Pra heta paviedamlajecca ŭ zajavie kampanii.
«U dalejšym my nie budziem prymać rekłamy ad kantralavanych dziaržavaj ŚMI», — havorycca ŭ paviedamleńni. Adznačajecca, što akaŭnty vydańniaŭ zmohuć praciahvać vykarystoŭvać Twitter dla ŭdziełu ŭ publičnych abmierkavańniach.
Pryčynaj takoha rašeńnia kampanija nazvała žadańnie abaranić zdarovy dyskurs i adkrytuju razmovu. Praviły nie buduć raspaŭsiudžvacca na arhanizacyi, jakija finansujucca padatkapłacielščykami, u pryvatnaści niezaležnyja hramadskija kanały.
Zabarona Twitter na rekłamu dziaržaŭnych ŚMI abmiažoŭvaje svabodu ŭ internecie i źjaŭlajecca palavańniem na viedźmaŭ, zajaviŭ RIA Novosti deputat rasijskaha parłamienta ad «Adzinaj Rasii» Viktar Zubaraŭ.
«Zychodziačy z kryteryjaŭ, pa jakich Twitter źbirajecca «filtravać» prynaležnaść ŚMI da dziaržavy, možna skazać, što sacsietka pačynaje palavańnie na viedźmaŭ», — ličyć Zubaraŭ. Pavodle jaho słoŭ, padobnym čynam sacyjalnaja sietka ŭžo abychodziłasia z RT i Sputnik.
«Faktyčna Twitter svaimi patrabavańniami abmiažoŭvaje svabodu ŭ internecie», — skazaŭ na zakančeńnie Zubaraŭ.
