U sieradu, 21 žniŭnia ŭ efir telekampanii Rustavi 2 nie vyjšła prahrama navin Kurjer, zapłanavanaja na 12:00, a zamiest jaje byŭ pakazany mastacki film, paviedamlaje Echo Kavkaza.
Pavodle infarmacyi krynicy ŭ telekampanii, kiraŭnictva kanała viało pieramovy z žurnalistami pra toje, kab dzionny vypusk Kurjera vyjšaŭ u efir, jak zvyčajna, u 15:00. Adnak, rabotniki infarmacyjnaj słužby «znachodziacca ŭ režymie bajkotu».
Akramia taho, zdymačnyja hrupy nie vyjechali na zdymki, niama žadajučych i pravieści navinavuju prahramu.
Adzin z supracoŭnikaŭ Rustavi 2 zajaviŭ, što pryčyna bajkotu ŭ tym, što ŭ žurnalistaŭ niama harantyj nieŭmiašańnia kiraŭnictva kanała ŭ redakcyjnuju palityku.
21 žniŭnia ŭ efiry kanała nie było taksama ranišnich navinavych prahram: zamiest pieradač, jakija zvyčajna vychodziać a 9 i 10 ranicy, tranślavali sieryjały. Na sajcie telekampanii z nočy nie abnaŭlałasia navinavaja stužka.
