U subotu, 24 žniŭnia, u Vierchnim horadzie prajšoŭ fiestyval hruzinskaj kultury «Tbilisoba». Kala 80 000 haściej sabrałasia ŭ sercy Minska, kab pasłuchać vystup charaktarnaha hurta Mgzavrebi, padniać tost za maładych na hruzinska-biełaruskim viasielli i pakaštavać najlepšyja stravy hruzinskaj kuchni. «Tbilisoba» 2019, abo «śviata z hruzinska-biełaruskim charaktaram», sioleta adznačyła piacihadovy jubilej.
24 žniŭnia na hałoŭnaj scenie «Tbilisoby» z ranicy da viečara vykonvali pieśni charaktarnyja artysty z soniečnaj Hruzii: šmathałośsie «Švidkaca», ansambl Iriao, chedłajniery fiestyvalu Mgzavrebi. Byli i biełaruskija vykanaŭcy: Shuma, Bakiej, Valik i Lisa, jakija ŭ minułym miesiacy razam z «Baržomi» zapisali trek pra stalicu «Minsk z charaktaram». Hety fest pryśviacili hruzinska-biełaruskamu siabroŭstvu: upieršyniu arhanizatary na «Tbilisobie» adkryli kutok biełaruskaj haścinnaści dla hruzinaŭ, jakija pryjechali ŭ Minsk na śviata. Tut ich znajomili z kulturaj našaj krainy, jaje tradycyjami i ramiostvami, pravodzili majstar-kłasy pa fiermientacyi harbaty i častavali chatnim sočyvam, blinami, sušanymi jabłykami dy hrybami.
«Charaktar — heta toje ŭnikalnaje, što ŭłaściva kožnamu z nas. Asablivyja rysy charaktaru, jakija abjadnoŭvajuć hruzinaŭ i biełarusaŭ, — heta haścinnaść i vietlivaść, — raspaviadaje Dzianis Krupiec, dyrektar IDS Borjomi Belarus i arhanizatar fiestyvalu «Tbilisoba». — Jany zadali adpaviednuju atmaśfieru hetaha festu: śviata atrymałasia pa-hruzinsku haścinnym i pa-biełarusku sardečnym. Pa-asablivamu «łahodna» było padčas vystupu Mgzavrebi: hruzinskim artystam padpiavaŭ uvieś natoŭp».
Na «Tbilisobie» arhanizavali nievierahodna ramantyčnaje hruzinska-biełaruskaje viasielle. U dvoryku pa adrasie Hiercena, 2a ŭvieś dzień było vielmi ludna: usie chacieli pahladzieć, jak prachodzić kałarytnaje hruzinska-biełaruskaje śviata. U jakaści paćvierdžańnia ščyraści svaich pačućciaŭ, maładyja dvojčy vykanali «Kartuli» — hruzinski taniec kachańnia. Padčas śviata siarod haściej «Tbilisoby» praviali estafietu: zabiehi na chutkaść ładzili ź dziaŭčatami, zahornutymi ŭ dyvan. Pavodle słoŭ adnoj ź ich, dziaŭčyna daŭno maryła, kab jaje «skrali» takim čynam.
Zazirnuli pavinšavać maładych mer Tbilisi Kacha Kaładzie, eks-futbalist «Miłana» i kijeŭskaha «Dynama», jaki prylacieŭ ź vizitam u stalicu, i mer Minska Anatol Sivak. Akramia hetaha, na viasielnaj placoŭcy ad samaha ranku pracavaŭ Offline Tinder Borjomi. «Zametčycca» pryjšli dziasiatki haściej: chłopcy i dziaŭčaty paraŭnoŭvali svaje charaktary i takim čynam šukali na fiestyvali dla siabie paru.
Na turystyčnym markiecie, dzie prapanoŭvali kupić pucioŭki ŭ Kutaisi, Baržomi i Batumi, dla haściej prajšoŭ karaokie-konkurs piesień Valeryja Mieładze. Vykanać «Inšaziemku», «Akijan i try raki» na scenie sprabavali dzieci, darosłyja, solnyja vykanaŭcy, duety i navat cełyja kvartety. Pieramožca atrymała biaspłatnuju ekskursiju pa Hruzii.
U hastranamičnym dvoryku možna było adpačyć, smačna pajeści i zrabić šmat niezvyčajnych fatahrafij: raźviešanaja na viaroŭkach bializna, dyvany, šachmaty na stałach, čurčchieła i markiet viniłavych płaścinak — arhanizatary pastaralisia pieradać na placoŭcy charaktar i atmaśfieru vułačak Tbilisi. Možna było ŭziać krychu vina i smačnaj ježy, butelečku «Baržomi» i pasłuchać žyvuju muzyku ŭ vykanańni artystaŭ «Piešachodki».
Dla małodšych haściej «Tbilisoby» padrychtavali mnostva navučalnych majstar-kłasaŭ, futboł, elektrasamakaty, rehbi i ŭroki pa čydaobie — tradycyjnaj hruzinskaj baraćbie. Asabliva spadabałasia dzieciam fotazona «Baržomi» z ružovavałosym poni. Pobač ź joj majstry sałona Fedina prapanoŭvali haściam fiestyvalu pafarbavać u niezvyčajny jarki koler brovy i takim čynam pakazać svoj niepaŭtorny charaktar.
Z ranicy da viečara na tancavalnaj placoŭcy išli batły pamiž chip-chopam i vogue, jazz-funk i narodnymi hruzinskimi tancami. Asablivuju papularnaść u haściej «Tbilisoby» zavajavaŭ basiejn «Baržomi» — hości z vyšyni niekalkich mietraŭ «nyrali» pa blašanki z vadoj.
Arhanizatarami fiestyvalu vystupili Minharvykankam, Pasolstva Hruzii ŭ Respublicy Biełaruś, meryja Tbilisi, hruzinskaje tavarystva «Mamuli» i TM «Baržomi».
