Milicyja zatrymała 26-hadovaha mužčynu, jaki skraŭ aŭtamabil 58-hadovaj maci siabra. Jon taksama sprabavaŭ źjechać ad DAI, paviedamlaje milicyja.
Incydent adbyŭsia ŭ Minsku na vulicy Jabłynievaj kala 4 hadziny ranicy. Małady čałaviek, jaki pabyvaŭ na biasiedzie ŭ svajho pryjaciela, sabraŭsia jechać dadomu. Advieźci 26-hadovaha minčuka pahadziłasia maci tavaryša, adnak mužčyna nie dačakaŭsia ŭładalnicy aŭto: vychodziačy z doma, chłopiec zaŭvažyŭ pryparkavany žančynaj aŭtamabil, skarystaŭsia pakinutymi klučami, sieŭ za rul i źjechaŭ u nieviadomym kirunku.
Uładalnica adrazu ž źviarnułasia da pravaachoŭnikaŭ. Supracoŭniki DAI znajšli aŭtamabil i pačali jaho pieraśled. Kali kiroŭca zaŭvažyŭ, što za im jeduć supracoŭniki milicyi, to pasprabavaŭ pieraškodzić zatrymańniu. Złamyśnika zatrymali i dastavili na miedycynski ahlad, jaki pakazaŭ 2 pramile ałkaholu.
