Administracyja Nacyjanalnaha aeraporta «Minsk» prajhrała ŭ sudzie sajtu petitions.by. Razhlad spravy prajšoŭ 30 žniŭnia ŭ Ekanamičnym sudzie Minska, piša Jeŭraradyjo.
Nahodaj dla sudovaha pracesu stała pietycyja, raźmieščanaja 6 lipienia na internet-placoŭcy. Inicyjatary zvarotu zaklikali dapuścić usich pieravozčykaŭ da pracy na terytoryi aeraporta. Jany chacieli admianić abmiežavańni na kolkaść biaspłatnych zajezdaŭ dla taksovak i słužbaŭ pieravozki, jakija ŭviała administracyja aeravakzała.
Administracyja patrabavała vydalić pietycyju, abaviazać arhanizataraŭ abvierhnuć źviestki sa zvarotu jak nieadpaviednyja rečaisnaści.
Stvaralniki sajta petitions.by nastojvali, što źviestki, apublikavanyja ŭ zvarocie ŭ kampietentny dziaržaŭny orhan, nie ličacca raspaŭsiudam infarmacyi, jakaja hańbić honar, hodnaść i dziełavuju reputacyju.
Vysłuchaŭšy abodva baki, sud vyrašyŭ, što patrabavańni administracyi aeraporta nie majuć zakonnych padstaŭ. Zhodna z sudovym rašeńniem administracyja Nacyjanalnaha aeraporta abaviazanaja zapłacić stvaralnikam sajtu petitions.by 1400 rubloŭ sudovych vydatkaŭ.
