Prakuratura Niderłandaŭ źviarnułasia da ŭładaŭ Ukrainy z prośbaj nie ŭklučać u śpis pałonnych dla abmienu z Rasijaj Uładzimira Cemacha, jakoha ŭkrainskija śpiecsłužby zatrymali jak kaštoŭnaha śviedku pa spravie ab źbitym małajzijskim «Boinhu» nad Danbasam ŭ lipieni 2014 hoda. Pra heta paviedamlaje hazieta NRC Handelsblad.
Pa infarmacyi vydańnia, člen Sumiesnaj śledčaj hrupy (JIT, SSH) Fred Viesterbekie ŭ svaim liście zajaviŭ, što Cemacha nieabchodna zachavać dla dalejšaha rasśledavańnia katastrofy. Pavodle jaho słoŭ, hałandskaja prakuratura razhladaje byłoha načalnika SPA h.zv. «DNR» u jakaści padazravanaha. Padstavaj dla pierahladu jaho statusu pasłužyła źjaŭleńnie ŭ śledstva novaj infarmacyi, sutnaść jakoj nie raskryvajecca.
2 vieraśnia ambudsmen «DNR» Darja Marozava zajaviła, što ŭłady respubliki ŭklučyli Ciemacha ŭ śpis pałonnych dla abmienu z Kijevam. Dačka zatrymanaha Maryja paviedamiła, što Kijeŭ nieaficyjna admoviŭsia vydavać Cemacha Rasii.
Čytajcie taksama:
Viersija zatrymki abmienu pałonnymi: Rasija choča atrymać padazravanaha ŭ spravie «Boinha»
Ciemacha zatrymali 4 lipienia ŭ jaho ŭłasnym domie pa abvinavačvańni ŭ teraryźmie. U 2014 hodzie Cemach ličyŭsia načalnikam SPA ŭ horadzie Śniežnaje, pablizu jakoha byŭ źbity łajnier.
Čytajcie taksama:
Ukrainskija śpiecsłužby vyvieźli z «DNR» važnaha śviedku pa spravie ab źbićci «Boinha»
