Pareštki mužčyny, jaki źnik bieź viestak bolš za 20 hadoŭ tamu ŭ Fłarydzie, znajšli ŭ zatoplenym aŭtamabili, jaki bačny na karcie Google, piša BBC.
40-hadovy Uiljam Mołdt źnik 7 listapada 1997 hoda. Jon nie viarnuŭsia dadomu z načnoha kłuba. Palicyja pačała rasśledavańnie, jakoje ni da čaho nie pryviało.
Sioleta ŭ kancy žniŭnia ŭ palicyju paviedamili, što ŭ Fłarydzie, niepadalok ad miastečka Vielinhtan u sažałcy znajšli aŭtamabil.
Kali mašynu dastali z vady, u joj byŭ čałaviečy škilet. Praz tydzień vyśvietliłasia, što pareštki naležać Uiljamu Mołdtu.
Mašynu zaŭvažyŭ na zdymkach Google Earth čałaviek, jaki vyvučaŭ miascovuju nieruchomaść.
Aŭtamabil byŭ na zdymkach z 2007 hoda, ale na praciahu 12 hadoŭ na jaho nichto nie źviartaŭ uvahi. Na karcie Google (Moon Bay Circle, Wellington) i zaraz možna ŭbačyć abrysy mašyny.
Zahinuły, chutčej za ŭsio, nie spraviŭsia z kiravańniem i zajechaŭ u sažałku.
