Siaredniaja škoła №15 u Homli.
U Homli 13 vieraśnia sa škoły № 15 zvolniena nastaŭnica pačatkovych klasaŭ. Jana pahražała vučniu 4 klasy, što stuknie jaho partaj, brudna łajałasia i abražała małaletniaha. Viečaram 13 vieraśnia ŭ škole prajšoŭ baćkoŭski schod, piša Radyjo Svaboda.
Čytajcie taksama: «Ja ŭ turmu pajdu, a tabie p***iec budzie»: homielskaja nastaŭnica kinułasia na 4-kłaśnika, bo toj zaśmiajaŭsia VIDEA
Na baćkoŭskim schodzie byli namieśnik staršyni harvykankamu Vital Atamančuk, načalnik upraŭleńnia adukacyi Siarhiej Parošyn i inšyja čynoŭniki.
Na schodzie Parošyn patłumačyŭ baćkam sytuacyju, paprasiŭ prabačeńnia, i abviaściŭ, što nastaŭnica zvolniena. Jana vykładała ŭ 2 klasie, u 4 klas u dzień incydentu trapiła na zamienu.
«Fakty, vykładzienyja ŭ videa, jakoje trapiła ŭ internet, znajšli svajo paćvierdžańnie. Nastaŭnica pisała tłumačalnuju, jana ŭśviedamlaje svaje dziejańni jak niapravilnyja. My škadujem, što tak atrymałasia», — patłumačyŭ na schodzie načalnik upraŭleńnia adukacyi.
Siaredniaja škoła №15 u Homli.
Nastaŭnica pracavała ŭ škole 35 hadoŭ. Joj chutka na pensiju. Baćki, dzieci jakich vučacca ŭ 2 klasie, škadujuć, što ich nastaŭnicu zvolnili.
«U klasu da jaje letaś nabirali dziaciej, i prasilisia 35 čałaviek, usim nie chapiła miescaŭ, mnohija pakryŭdzilisia. Značyć, jana dobry pedahoh, ale voś nie strymałasia», — patłumačyŭ adzin z baćkoŭ, syn jakoha vučycca ŭ 2 klasie.
