Fota Viktara i Nasty 2017 hoda, z fejsbuka piśmieńnika
Biełaruska Nasta Plac atrymała pryz Best Actress na fiestyvali karotkamietražnaha kino ŭ Ispanii, paviedamiŭ u fejsbuku piśmieńnik Viktar Marcinovič.
«Adbyvajecca niešta niejmaviernaje: Nasta Plac, dziaŭčynka, jakaja z troch hadoŭ žyła ŭ Mahiloŭskaj SOS-vioscy, tolki što atrymała pryz Best Actress na ispanskim fiestyvali FICBUEU za rolu Jasi ŭ filmie «Voziera radaści», — napisaŭ Viktar u fejsbuku.
FICBUEU — fiestyval karotkamietražnaha kino, u jakim mohuć brać udzieł usie vidy mastackich karotkamietražnych filmaŭ niezaležna ad žanru, za vyniatkam dakumientalnych.
«Voziera radaści» — raman Viktara Marcinoviča, što vyjšaŭ u 2016 hodzie. Karotkamietražku pa knizie źniaŭ Alaksiej Pałujan. Muzyku napisaŭ Siarhiej Doŭhušaŭ.
