Kuźminski sud Maskvy ŭ paniadziełak aryštavaŭ na miesiac chakieista Ihara Musatava, jaki abvinavačvajecca ŭ machlarstvie z kryptavalutaj na $800 tysiač, pieradaje karespandent TASS z zały suda.
Sam da abvinavačvany ŭ sudzie nazvaŭ svoj kryminalny pieraśled vynikam abhavoru.
Musataŭ abvinavačvajecca ŭ machlarstvie ŭ asabliva bujnym pamiery, ździejśnienym hrupaj asobaŭ pa papiaredniaj zmovie (č. 4 art. 159 KK RF). Pa dadzienych śledstva, jon ździejśniŭ złačynstva ŭ pačatku 2018 hoda, tady jon sustreŭsia ŭ centry Maskvy pradprymalnikami, jakija zajmajucca inviestycyjami ŭ śfiery kryptavalutnaha rynku «z metaj abmierkavańnia dalejšaha supracoŭnictva».
«Dalej Musataŭ padčas telefonnaj razmovy z Abielanam V. M., uvodziačy apošniaha ŭ zman, damoviŭsia ab prodažy kryptavaluty ahulnym koštam $800 tysiač, pry hetym pierakanaŭšy Abielana u ažyćciaŭleńni ździełki», — havorycca ŭ materyjałach spravy. Pa słovach advakata, svaju vinu Musataŭ nie pryznaje.
Ihar Musataŭ źjaŭlajecca vychavancam chakiejnaj škoły maskoŭskaha «Spartaka». Vystupaŭ za niekalki kłubaŭ z Rasii i Słavakii, u tym liku «Spartak», «Ak Bars», «Łakamatyŭ», «Sałavat Jułajeŭ», «Avanhard». Jaho apošnim kłubam byŭ słavacki «Słovan» u siezonie 2016—2017, jaki vystupaŭ u Kantynientalnaj chakiejnaj lizie.
