ZŠA nie hatovyja da «apasrodkavanaj i hibrydnaj» vajny z Rasijaj i majuć namier u suviazi z hetym skarektavać płany raźvićcia abaronnaha i inšych viedamstvaŭ, zajaviŭ kiraŭnik Pientahona Mark Eśpier, piša ria.ru.
«Apasrodkavana vajna», abo «vajna pa pradstaŭnictvie» - kanflikt, za niepasrednymi ŭdzielnikami jakoha stajać bujniejšyja hulcy. Prykłady takoj vajny — Karejskaja i pačatkovy etap Vjetnamskaj.
Vystupajučy ŭ sieradu na kanfierencyi VPS ZŠA, ministr vykazaŭ mierkavańnie, što Rasija ŭ apošnija hady efiektyŭna prademanstravała viadzieńnie «apasrodkavanych, hibrydnych bajavych dziejańniaŭ i bajavych dziejańniaŭ u šeraj zonie». U jakaści prykładu jon pryvioŭ padziei ŭ Krymie i va Ukrainie.
«Jany (Rasija) viedajuć, što jany nie chočuć i nie mohuć supraćstajać nam u zvyčajnym vajnie, tamu jany šukajuć inšyja sposaby, kab kinuć nam vyklik, vieści stratehičnaje supiernictva na ŭzroŭni nižej, čym pramy ŭzbrojeny kanflikt», - skazaŭ Eśpier.
«Heta novaja forma bajavych dziejańniaŭ. Ja maju na ŭvazie, što šmat u čym heta jak minimum toje, da čaho my nie hatovyja, i toje, da čaho my pavinny być hatovyja. Tamu my zaraz vyvučajem, jak rychtujucca našy płany pa viadzieńni kampanij na roznych teatrach (bajavych dziejańniaŭ), my sprabujem vyjści na ŭzrovień stratehičnaha supiernictva nižej za hety ŭzrovień», - zajaviŭ ministr.
Jon padkreśliŭ, što heta tyčycca nie tolki vajskovych, ale i inšych viedamstvaŭ ZŠA, jakija pavinny «źmianić hetuju stratehičnuju situacyju, pravodzić infarmacyjnyja kampanii i inšaje».
«My dobryja ŭ vajennych apieracyjach, ale kali my apynajemsia ŭ hetaj šeraj zonie, kali sychodzim ad zvyčajnaha kanfliktu, heta stanovicca dla nas vyprabavańniem», - reziumavaŭ Eśpier.
