Partyja BNF na źjeździe, jaki adbyŭsia ŭ Minsku 21 vieraśnia, vyłučyła kandydatami ŭ deputaty piaćdziasiat čałaviek. «NN» atrymała poŭny śpis vyłučencaŭ. Skažam pa niekalki słovaŭ pra kožnaha ź ich.
Što najbolš źviartaje ŭvahu, dyk heta toj fakt, što ad Partyi BNF vyrašyli vyłučacca pradstaŭniki «Jeŭrapiejskaj Biełarusi», jakija sioleta masava pajšli na vybary. Pryčym zroblena heta, jak u Minsku, hetak i ŭ rehijonach.
Jak patłumačyŭ nam staršynia BNF Ryhor Kastusioŭ, šmat chto z pradstaŭnikoŭ «Jeŭrapiejskaj Biełarusi» i raniej byŭ siabram arhanizacyi, jak, naprykład, Maksim Viniarski ci Volha Mikałajčyk, ale niekatoryja ŭstupili ŭ šerahi arhanizacyi akurat pierad vybarami.
Iryna Amieljančuk (Bresckaja-Centralnaja akruha №2)
Inžynier-budaŭnik, pravaabaronca, kiraŭnik vałanciorskaj inicyjatyvy abarony žyviołaŭ.
Palina Šarenda-Panasiuk (Bresckaja-Pamiežnaja akruha №4)
Aktyvistka «Jeŭrapiejskaj Biełarusi». Vystupała suprać budaŭnictva ŭ horadzie akumulatarnaha zavoda. Nieadnarazova zatrymlivałasia. Repietytarka polskaj movy.
Mikałaj Čarnavus (Baranavickaja-Zachodniaja akruha №5)
Indyvidualny pradprymalnik, daŭno ŭ pratestnym ruchu.
Artur Safin (Biełaviežskaja akruha №8)
Nastaŭnik z Małaryckaha rajona.
Alaksandr Iljiniec (Viciebskaja-Horkaŭskaja akruha №17)
Biespracoŭny, raniej pracavaŭ piekaram u kramie «Viesta».
Alaksiej Haŭrucikaŭ (Viciebskaja-Čkałaŭskaja akruha №18)
Juryst, supracoŭničaje z Rucham «Za Svabodu».
Uładzimir Simankovič (Viciebskaja-Čyhunačnaja akruha №19)
Jašče adzin prychilnik Ruchu «Za Svabodu».
Uładzimir Kijko (Viciebskaja-Kastryčnickaja akruha №20)
Daŭni prychilnik apazicyi. Arhanizoŭvaŭ u Viciebsku śviatkavańnie 100-hodździa BNR. Pradstaŭnik Biełaruskaha nacyjanalnaha kanhresa.
Kastuś Smolikaŭ (Haradockaja akruha №21)
Staršynia Viciebskaj abłasnoj arhanizacyi Partyi BNF.
Volha Damaskina (Navapołackaja akruha №24)
Pracavała raniej u Połackim historyka-kulturnym muziei-zapaviedniku, adkul była zvolnienaja pierad minułymi vybarami ŭ parłamient. Ciapier pracuje administrataram u sałonie pryhažości.
Dźmitryj Kazłoŭ (Aršanskaja akruha №25)
Viadomy jak jutub-błohier «Šery kot».
Arciom Kasavaraŭ (Homielskaja-Jubilejnaja akruha №31)
Pradstaŭnik «Moładzi BNF». Vučycca na hieohrafa ŭ Homielskim dziaržaŭnym univiersitecie imia Skaryny.
Vasil Ramanaŭ (Homielskaja-Sialmašaŭskaja akruha №32)
Doktar Homielskaj haradskoj palikliniki.
Tamara Zajcava (Kalinkavickaja akruha №41)
Viadomaja ŭ Kalinkavičach zmaharka z karupcyjaj, jaje vyłučeńnie padtrymlivaje Mikałaj Statkievič.
Michaił Bandarenka (Mazyrskaja akruha №42)
Ślesar-mantažnik RUP «Mazyrprambud». Jašče adzin aktyvist «Jeŭrapiejskaj Biełarusi».
Dźmitryj Savič (Śvietłahorskaja akruha №46)
Biespracoŭny, taksama pradstaŭnik «Jeŭrapiejskaj Biełarusi».
Vadzim Sarančukoŭ (Hrodzienskaja-Centralnaja akruha №51)
Namieśnik staršyni Partyi BNF, adkazny za pracu z rehijonami. Ramieśnik.
Maksim Hubarevič (Hrodzienskaj sielskaja akruha №53)
Śpiecyjalist pa prodažach u kampanii «Sici-Bieł», jakaja zajmajecca prodažam ruchavikoŭ, reduktaraŭ i h.d.
Siarhiej Pantus (Lidskaja akruha №55)
Žychar Biarozoŭki. Doŭhi čas adpracavaŭ na škłozavodzie majstram i bryhadziram, ale zvolnieny za palityčnuju dziejnaść. Pracavaŭ na roznych firmach u Minsku.
Vitold Ašurak (Niomanskaja akruha №56)
Budaŭnik, viadomy ŭ Lidzie aktyvist apazicyi.
Murat Musajeŭ (Zamkavaja akruha №57)
Jašče adzin aktyvist Partyi BNF ź Lidy.
Viktar Marčyk (Słonimskaja akruha №58)
Raniej pracavaŭ na słonimskaj ptuškafabrycy, ciapier vartaŭnik u miascovym lashasie.
Siarhiej Trafimčyk (Ščučynskaja akruha №60)
Pracavaŭ na škłozavodzie ŭ Biarozaŭcy.
Pavieł Batujeŭ (Salihorskaja akruha №68)
Pracuje ŭ Polščy inžynieram pa absłuhoŭvańni vytvorčych linij na chimičnym zavodzie.
Andrej Markaŭ (Maładziečanskaja akruha №72)
Indyvidualny pradprymalnik, pradstaŭnik «Jeŭrapiejskaj Biełarusi».
Alaksiej Siudak (Vilejskaja akruha №74)
Pracavaŭ nastaŭnikam historyi ŭ vioscy. Krajaznaŭca.
Illa Dabratvor (Łahojskaja akruha №75)
Indyvidualny pradprymalnik, žurnalist. Supracoŭničaŭ z šeraham prarasijskich internet-ŚMI. Šmatdzietny baćka.
Valeryj Rabcaŭ (Zasłaŭskaja akruha №77)
Biespracoŭny, abaronca Kurapataŭ.
Arsień Čyhir (Babrujskaja-Pieršamajskaja akruha №79)
Rabočy fabryki «Čyrvony charčavik». Na minułych vybarach išoŭ jak pradstaŭnik BCHD.
Valeryj Karankievič (Kryčaŭskaja akruha №83)
Byŭ navat namieśnikam staršyni Chocimskaha rajvykankama, kiravaŭ ahrapramysłovym abjadnańniem. Ciapier piensijanier.
Siarhiej Famin (Mahiloŭskaja-Leninskaja akruha №84)
Aficyjna biespracoŭny, pravaabaronca, aktyŭničaje ŭ prafsajuznych ruchu.
Nadzieja Sałaŭjova (Mahiloŭskaja-Centralnaja akruha №85)
Maci Jalinki Sałaŭjovaj, jakaja adzinaja navučałasia pa-biełarusku ŭ Mahilovie.
Mikałaj Miacielica (Škłoŭskaja akruha №90)
Aktyvist ź Białynič, u svoj čas byŭ u «Havary praŭdu».
Dzianis Žoraŭ (Aŭtazavadskaja akruha №92)
Daŭni aktyvist Partyi BNF, uvachodzić u Minskuju haradskuju radu.
Ryhor Kastusioŭ (Kupałaŭskaja akruha №95)
Lidar Partyi BNF, rodam z Mahiloŭščyny. Doŭhi čas pracavaŭ u sistemie ŽKH. Udzielničaŭ u prezidenckich vybarach 2010 hoda.
Aksana Juškievič (Čkałaŭskaja akruha №96)
Indyvidualnaja pradprymalnica, pradstaŭlaje «Jeŭrapiejskuju Biełaruś».
Mikita Nahlin (Kastryčnickaja akruha №97)
Pracuje na dziaržpradpryjemstvie, u elektryčnych sietkach, śpiecyjalistam pa suviazi. Maje vyšejšuju adukacyju — skončyŭ Avijacyjnuju akademiju pa śpiecyjalnaści «bortinžynier».
Andrej Vojnič (Hrušaŭskaja akruha №98)
Ślesar, abaronca Kurapataŭ. Pradstaŭnik «Jeŭrapiejskaj Biełarusi».
Alena Taŭstaja (Paŭdniova-Zachodniaja akruha №99)
Pradstaŭnica ruchu salidarnaści «Razam» Viačasłava Siŭčyka. Pa adukacyi — fizik. Pracavała ŭ NDI EVM.
Juraś Mielaškievič (Jasieninskaja akruha №100)
Namieśnik staršyni Tavarystva achovy pomnikaŭ historyi i kultury.
Alena Cieraškova (Kamiennahorskaja akruha №101)
Doktarka adździaleńnia skivična-tvaravaj chirurhii 11-j haradskoj balnicy.
Vasil Astroŭski (Zachodniaja akruha №102)
Biznesoviec, uvachodziŭ u Radu pa raźvićci pradprymalnictva, šmatdzietny baćka.
Pavieł Juchnievič (Puškinskaja akruha №103)
U minułym adzin ź lidaraŭ «Zubra». Ciapier śpiecyjalist pa prodažach u kampanii, jakaja zajmajecca handlem šynaŭ.
Maksim Viniarski (Kalvaryjskaja akruha №104)
Aktyvist apazicyi ź vialikim stažam, šmat razoŭ zatrymlivaŭsia i adbyvaŭ aryšty. Biespracoŭny.
Vasil Žoraŭ (Staravilenskaja akruha №105)
Biespracoŭny, pradstaŭlaje «Jeŭrapiejskuju Biełaruś».
Dźmitryj Makrycki (Kołasaŭskaja akruha №106)
Pradstaŭnik «Moładzi BNF».
Źmicier Kaśpiarovič (Uschodniaja akruha №107)
Indyvidualny pradprymalnik. U minułym — palitviazień. Atrymaŭ termin za toje, što vyviesiŭ bieł-čyrvona-bieły ściah nad Minharvykankamam.
Vasil Hušča (Kalinoŭskaja akruha №108)
Kranaŭščyk, pradstaŭnik «Jeŭrapiejskaj Biełarusi».
Volha Mikałajčyk (Uručanskaja akruha №109)
Kinarežysior, adna z najbolš zaciatych aktyvistak apazicyi.
Arciom Čarniak (Partyzanskaja akruha №110)
Aktyvist «Jeŭrapiejskaj Biełarusi», abaronca Kurapataŭ.