Na darohach Biełarusi ŭ DTZ štohod atrymlivajuć škodu zdaroŭju 3 z pałovaj tysiačy čałaviek. Kala troch pracentaŭ ź ich doŭhi čas znachodziacca ŭ viehietatyŭnym stanie. Heta značyć, što ŭ ich istotna paškodžany hałaŭny mozh. Jany nie reahujuć na samoha siabie i na navakolny śviet, choć praciahvajuć žyć, piša Źviazda.
Pieršy ŭ krainie admysłovy centr dapamohi takim ludziam i ich svajakam adčynić dźviery 26 vieraśnia ŭ Respublikanskim kliničnym špitali invalidaŭ Vialikaj Ajčynnaj vajny. Adbyłosia heta pry sadziejničańni dabračynnaha fonda «Biaśpiečnyja darohi». Jon inviestavaŭ u adkryćcio centra vialikija hrošy — 250 tysiač jeŭra.
Jak zaznačyła namieśnik načalnika hałoŭnaha ŭpraŭleńnia - načalnika ŭpraŭleńnia miedycynskaj ekśpiertyzy Ministerstva achovy zdaroŭja Iryna Kirejeva, u centry budzie arhanizavany rehistr pacyjentaŭ, jakija znachodziacca paśla DTZ u viehietatyŭnym stanie, a svajakoŭ navučać pryjomam dohladu za takimi chvorymi. Centr asnaščany samym sučasnym abstalavańniem i raźličany na šeść kojek. Pieršyja pacyjenty ŭžo prachodziać u im lačeńnie.
