Mužčyna z kitajskaj pravincyi Hujčžou znajšoŭ vydatny sposab, jak atrymać hrošy na svoj biznes. Mužčyna prosta zładziŭ fejkavaje viasielle, paviedamlaje BiełTA sa spasyłkaj na vydańnie AsiaOne.
Pradprymalny budučy biznesmien arandavaŭ na niekalki dzion aktrysu, jakaja pavinna była vykanać rolu niaviesty pierad jaho svajakami i siabrami. «Žonka naprakat» jamu abyšłasia za šeść dzion u 3200 juaniaŭ — heta prykładna $ 500.
Viasielnaja cyrymonija prajšła šykoŭna i hości padaryli «novaj siamji» kala $8500. Usie hrošy, pa papiaredniaj damoŭlenaści, zabraŭ žanich, aktrysa zastałasia ni z čym — jon navat nie zapłaciŭ za jaje pasłuhi.
Dziaŭčyna źviarnułasia da jurystaŭ, ale jany nie zmahli joj dapamahčy: jana nie zaklučyła damovu z «biznesmienam». U svaju čarhu, nieviadoma, ci ŭdałosia mužčynu pačać svoj biznes i jak u jaho iduć spravy.
