Vydaviectva «Mastackaja litaratura» raspačało novuju knižnuju sieryju — «Napisanaje zastajecca». Pieršaja kniha ŭ tvorčym prajekcie, jaki abiacaje vyklikać uvahu čytačoŭ, — zbornik apovieściaŭ narodnaha piśmieńnika Biełarusi Vasila Bykava «Znak biady. Abielisk. Žuraŭliny kryk».
Tyraž vydańnia, jakim adkryłasia sieryja, — 1200 paasobnikaŭ. Užo ciapier knihu možna nabyć u kniharniach AAT «Biełkniha» pa ŭsioj našaj krainie, a taksama praź internet-handal hetaj ža handlovaj sietki. Zaŭvažym, što vypusk zbornika ažyćcioŭleny pa zakazie i pry finansavaj padtrymcy Ministerstva infarmacyi Respubliki Biełaruś. Tytulny arkuš vydańnia ŭpryhožvaje repradukcyja aŭtalitahrafii Jurasia Hierasimienki-Žyźnieŭskaha da apovieści Bykava «Znak biady» (tvor vykanany ŭ 1984 hodzie).
— Miarkujem, što kožny hod sieryja budzie papaŭniacca na čatyry-šeść knih, — kaža dyrektar vydaviectva «Mastackaja litaratura» Aleś Badak. — Voś litaralna dniami pryjdzie z drukarni i kniha prozy našaha kłasika Jakuba Kołasa. Tak z časam kožny, chto pažadaje, źbiare svoj biełaruski knihazbor.
— A čyje knihi ŭ sieryi «Napisanaje zastajecca» źbirajeciesia vydać u najbližejšy čas?
— Mienavita tych piśmieńnikaŭ, čyje tvory vytrymali vyprabavańnie časam: Ivan Mielež, Uładzimir Karatkievič, Janka Sipakoŭ, Michaś Stralcoŭ, Viačasłaŭ Adamčyk… Pieralik možna doŭžyć. Dumaju, što i čytačy nam niešta padkažuć. Vielmi spadziajusia na mierkavańni biblijatekaraŭ u prajektavańni sieryi «Napisanaje zastajecca». Tady, mahčyma, i tyražy knih u hetym vydavieckim prajekcie pavialičym.
