Facebook.com
Były cyrulnik forvarda zbornaj Partuhalii i turynskaha «Juvientusa» Kryšcijanu Ranałdu Rykarda Markies Fierejra znojdzieny miortvym u adnym z šviejcarskich hatelaŭ. Pra heta paviedamlaje hazieta Observador.
Pa dadzienych vydańnia, cieła 40-hadovaha mužčyny znajšli ŭ piatnicu, 1 listapada, supracoŭniki hatela ŭ rajonie Albisryden u Ciurychu. Trup z nažavymi ranieńniami lažaŭ na łožku, paŭsiul byli ślady kryvi. Taksama paviedamlajecca, što ŭ numary prysutničaŭ mocny pach ałkaholu.
Palicyja ličyć pryjarytetnaj viersiju ab zabojstvie partuhalca. U niadzielu, 3 listapada, u Ciurychu zatrymali 39-hadovaha hramadzianina Brazilii, jakoha padazrajuć u ździajśnieńni złačynstva. Pra matyvy mierkavanaha zabojcy nie paviedamlajecca.
Rykarda Markies Fierejra žyŭ i pracavaŭ u Ciurychu z 2017 hoda. Akramia Ranałdu jaho klijentami byli mnohija partuhalskija znakamitaści, siarod jakich dyzajnier Facima Łopieš i televiadučaja Lilijana Kampas.
