2 listapada partał Tut.by i dziaržaŭny telekanał ANT apublikavali interviju z Anastasijaj Vašukievič, bolš viadomaj jak Naścia Rybka. Akramia inšaha, jana raskazała žurnalistam, što maje namier asabista padziakavać kiraŭniku Biełarusi za dapamohu ŭ jaje vyzvaleńni z-pad varty.
«Mianie vypuścili praz [umiašańnie] Biełarusi, — skazała Vašukievič u razmovie z Tut.by. — Ja jašče padziakuju (Łukašenku. — RS). Specyjalna zapisałasia na aŭdyjencyju praź miesiac. Tam dosyć strohaja čarha».
Svaboda źviarnułasia pa kamentar da pres-sakratara Alaksandra Łukašenki Natalli Ejsmant. Pavodle jaje, pra asabistuju sustreču Vašukievič i kiraŭnika krainy havorki nie idzie, adnak jana moža adbycca, hetaksama jak i sustreča ź lubym inšym hramadzianinam krainy.
«Pakul u planach takoj sustrečy niama, — napisała Svabodzie Ejsmant. — Ale kali budzie adpaviedny zvarot — budziem razhladać. Naroŭni z usimi inšymi padobnymi prośbami ab arhanizacyi sustrečy. Nijakaj antypatyi ŭ prezydenta da hramadzianki Biełarusi Anastasii Vašukievič niama».
