fota president.gov.by
Alaksandr Łukašenka 6 listapada ŭ Abjadnanych Arabskich Emiratach sustreŭsia z naślednym pryncam Abu-Dabi, namieśnikam Viarchoŭnaha hałoŭnakamandujučaha Uzbrojenymi Siłami AAE šejcham Muchamiedam bien Zaidam al-Nachajanam. Ab hetym BIEŁTA paviedamili ŭ pres-słužbie biełaruskaha lidara.
U čas sustrečy abmiarkoŭvaŭsia chod realizacyi damoŭlenaściej, dasiahnutych pa vynikach niadaŭniaha vizitu naślednaha prynca ŭ Biełaruś, vyznačany dalejšyja kroki pa ich vykanańni.
Alaksandr Łukašenka adznačyŭ apieratyŭnaje nakiravańnie delehacyi emirackich dziełavych kołaŭ u Biełaruś, što śviedčyć ab realnaj zacikaŭlenaści AAE ŭ raźvićci handlova-ekanamičnaha i inviestycyjnaha supracoŭnictva. Prezident zapeŭniŭ u maksimalnym sadziejničańni efiektyŭnamu vyrašeńniu mahčymych pytańniaŭ.
Baki abmierkavali ŭzajemadziejańnie ŭ sielskaj haspadarcy, pramysłovaści, bankaŭskaj spravie, łahistycy, humanitarnaj śfiery. Asobnaja ŭvaha ŭdzielena supracoŭnictvu ŭ halinie sportu.
Lidary dźviuch krain padrabiazna abmierkavali situacyju ŭ rehijonie Blizkaha Uschodu i ŭ hłabalnym kantekście.
Adnym sa składnikaŭ dvuchbakovych adnosin źjaŭlajecca vajenna-techničnaje supracoŭnictva. U hetym płanie zajaŭlena ab hatoŭnaści da pašyreńnia dyjałohu pa napramkach, jakija cikaviać emiracki bok, u tym liku ŭ halinie navukovych daśledavańniaŭ, navučańnia, praviadzieńnia sumiesnych trenirovak, abmienu vopytam.