Nacyjanalnaje antykarupcyjnaje biuro Ukrainy raspačało spravu ab mahčymaj dziaržaŭnaj zdradzie i kradziažach u dačynieńni da mera Kijeva Vitala Kličko i jaho dvuch namieśnikaŭ. Pra heta havorycca ŭ adkazie NABU na zapyt RBK-Ukraina.
Havorka idzie ab mahčymaj dziaržzdradzie i kradziažach biudžetnych srodkaŭ pry zabudovie Kijeva z boku Kličko i jaho namieśnikaŭ.
«Nacyjanalnym antykarupcyjnym biuro Ukrainy vykanana ŭkazanaja pastanova Vyšejšaha antykarupcyjnaha suda i ŭniesieny adpaviednyja źviestki ŭ Adziny rejestr dasudovych rasśledavańniaŭ», — havorycca ŭ adkazie na zapyt.
U kastryčniku Vyšejšy antykarupcyjny sud pačaŭ vytvorčaść pa hetaj spravie i abaviazaŭ NABU ŭnieści źviestki ŭ Adziny rejestr dasudovych rasśledavańniaŭ. Heta adbyłosia paśla taho, jak u NABU padali zajavu na dziejańni Kličko i jaho namieśnikaŭ, jakija, na dumku zajaŭnika, padpadajuć pad złoŭžyvańnie ŭładaj, atrymańnie niepravamiernaj vyhady, kradziež, dziaržaŭnuju zdradu i h. d.
Nahadajem, raniej NABU zaviało spravu na Kličko taksama pa rašeńni antykarupcyjnaha suda. Sprava tyčycca kradziažu srodkaŭ pry rekanstrukcyi Šulaŭskaha mosta ŭ Kijevie.
