Zubra, što skakaŭ na troch nahach, zaŭvažyli na dniach na terytoryi Chvojnickaha laśnictva Biełaviežskaj puščy, paviedamlaje sajt nacyjanalnaha parku.
U žyvioły pravaja piaredniaja naha apynułasia na rahavym čachle i zachrasła. Vypadak redki. Miarkujuć, što heta mahło adbycca padčas biehu «na machach», heta značyć skokami i chutka. Vierahodna, adnym z zamachaŭ zubr i pastaviŭ siabie ŭ niajomkaje stanovišča.
Padobny vypadak adbyŭsia ŭ 1985 hodzie ŭ inšym laśnictvie, dzie samiec zubra paŭdnia skakaŭ na troch nahach, pakul nie zdoleŭ vyzvalić nahu.
Na pieršy pohlad zubry zdajucca niazhrabnymi, adnak heta zusim nie tak. Jany niadrenna płavajuć, mohuć pieraskočyć aharodžu vyšej 1,5 m i sprytna pieramiaščacca pa schiłach. A bujnyja samcy zdolnyja razahnacca da 60 km/h.
