U Mahiloŭskim rajonie 8 śniežnia patanuŭ rybak. Zdareńnie adbyłosia ŭ zatocy Dniapra kala v. Pałavinny łoh. Kala 15:00 tam tanuli dva čałavieki, piša mogilevnews.by
Da prybyćcia ratavalnikaŭ vidavočcy vyratavali 64-hadovaha mahiloŭca. Z dyjahnazam «ahulnaje pieraachaładžeńnie» jaho špitalizavali. Dapamahčy druhomu rybaku było niemahčyma. 49-hadovaha mahiloŭca biez prykmiet žyćcia vyjavili na adlehłaści 10 mietraŭ ad bieraha.
— Biaśpiečnym dla čałavieka ličycca lod taŭščynioj nie mienš za 7 sm, ciapier jon ledź dasiahaje 4 sm.
Tryvałaść lodu možna vyznačyć vizualna: lod błakitnaha koleru — tryvały, biełaha — tryvałaść jaho ŭ 2 razy mienš, matava-bieły abo z žoŭtym adcieńniem — nienadziejny, - nahadvajuć u MNS.
0
0
0
0
0
0
