U milicyju źviarnuŭsia adzin z supracoŭnikaŭ kramy elektratechniki, raźmieščanaj u handlovym centry na vuł. Babrujskaj. Jon paviedamiŭ, što nieviadomy mužčyna skraŭ techniku na 2000 rubloŭ. Taksama supracoŭnik raspavioŭ, što sprabavaŭ samastojna zatrymać vykradalnika, adnak nie zdoleŭ, piša staličnaja milicyja.
Pravaachoŭniki zatrymali fihuranta na vulicy Mścisłaŭskaj, kali toj vychodziŭ z handlovaha centra. Pry sabie ŭ 30-hadovaha mužčyny było znojdziena niekalki adzinak novaj bializny, kradziež jakoj jon ździejśniŭ niezadoŭha da zatrymańnia.
Mužčyna rastłumačyŭ, što niekalki dzion tamu jon pryjechaŭ u stalicu z metaj nabyćcia padarunkaŭ. Adnak košty ŭ minskich kramach dla hramadzianina Rasiei zdalisia dosyć vysokimi, tamu fihurant ich vykraŭ.
Sa słoŭ mužčyny, jon dziejničaŭ pa nastupnaj schiemie: nakiroŭvaŭsia ŭ handlovyja centry, zachodziŭ u kramy i kraŭ rečy niezaŭvažna dla pradaŭcoŭ. Za čatyry dni rasijanin skraŭ: kurtku, palito, sumku, piać adzinak «razumnych hadzińnikaŭ», šeść partatyŭnych kałonak i dziesiać najmieńniaŭ nižniaj bializny. Ahulnaja suma vykradzienaha skłała 3523 rubli.
