Ranicaj 18 śniežnia la stancyi mietro «Puškinskaja» byŭ zatrymany kiraŭnik BCHD Pavieł Sieviaryniec.
«Było ŭsio karektna, tolki zabrali mabilnik i nie dali nikomu pazvanić», — kaža Pavieł. Adrazu paśla hetaha jaho pavieźli ŭ Saviecki rajadździeł milicyi, dzie afarmlali pratakoł. Paśla čaho pavieźli ŭ sud.
«Trapili na abiedzienny pierapynak, tamu daviałosia pačakać. Asudzili pa artykule 23.34 Administracyjnaha kodeksu za ŭdzieł u akcyjach 7-8 śniežnia ŭ centry Minska. Praces vioŭ sudździa Šaciła. Dali 15 sutak. Ja nie skazaŭ tam nivodnaha słova», — zaznačaje Pavieł.
Paśla hetaha Sieviarynca znoŭ advieźli ŭ Saviecki rajadździeł milicyi, zaviali ŭ paŭpadvalnaje pamiaškańnie. «Na kamieru niejki tavaryš pałkoŭnik zaklikaŭ nie parušać zakanadaŭstva 20 śniežnia. Paśla hetaha mianie adpuścili.
Ja kažu: «A jak ža 15 sutak?» Ničoha nie viedajuć. Ciapier idu pa vulicy Jakuba Kołasa. Pieršy raz sa mnoj taki cyrk», — skazaŭ palityk.
