Da pravaachoŭnikaŭ z zajavaj ab kradziažy instrumientaŭ źviarnulisia žychary roznych rajonaŭ stalicy. Minčuki rastłumačyli, što ŭ ich novych kvaterach i na budaŭničych abjektach vyjaŭleny ślady ŭzłomu, a taksama adsutničaje instrumient, paviedamlaje staličnaja milicyja.
Asobu złačynca chutka vyśvietlili. Im akazaŭsia raniej sudzimy 47-hadovy minčuk. Mužčyna ŭ vieraśni vyzvaliŭsia ź miescaŭ pazbaŭleńnia voli, dzie adbyvaŭ pakarańnie za anałahičnyja dziei. Nie majučy peŭnaha miesca žycharstva i pastajannaha dachodu, uzłomvaŭ uvachodnyja dźviery ŭ novabudoŭlach i ŭ budaŭničych bytoŭkach i kraŭ instrumienty. Šurupaviorty, pierfaratary i bienzarezy minčuk pradavaŭ na rynkach i ŭ internecie.
Ale ŭ chodzie śledstva pravaachoŭniki taksama ŭstalavali dačynieńnie fihuranta da jašče dźviuch kradziažoŭ u ofisach. U adnym ź ich skraŭ 7 noŭtbukaŭ, u inšym — instrumienty.
Apieratyŭniki zatrymali mužčynu z dokazami złačynstva ŭ momant ździajśnieńnia čarhovaha kradziažu z kvatery. Na hety momant pravaachoŭniki ŭstanavili dačynieńnie fihuranta da 13 epizodaŭ kradziažu majomaści, try ź jakich — kvaternyja.