Ministr unutranych spraŭ Juryj Karajeŭ prakamientavaŭ infarmacyju ab rekamiendacyjach supracoŭnikam DAI być bolš dobrazyčlivymi da hramadzian. Kiraŭnik MUS u hutarcy z žurnalistami adznačyŭ, što pjanuju jazdu, nieprapuskańnie piešachoda abo prajezd na čyrvonaje pravaachoŭniki, naturalna, daravać nie buduć, pieradaje BiełTA.
Niadaŭna Juryj Karajeŭ daŭ rasparadžeńnie načalnikam upraŭleńniaŭ unutranych spraŭ i načalniku UDAI maksimalna abjektyŭna i pabłažliva stavicca da parušeńniaŭ udzielnikaŭ darožnaha ruchu. «Jakija nie złosnyja, kali niama siarod nastupstvaŭ stvareńnia avaryjnaj situacyi abo naniasieńnia kamuści škody — skažam tak, «farmalnyja», — skazaŭ ministr. — Ja paznačyŭ artykuły, pa jakich nielha źnižać patrabavalnaść. Naprykład, nieprapuskańnie piešachoda na pierachodzie. Viadoma ž, nichto nie budzie daravać pjanstva za rulom abo takoje demanstratyŭnaje hrebavańnie praviłami, jak prajezd na čyrvonaje śviatło».
