Prezident Ukrainy Uładzimir Zialenski nazvaŭ kaštoŭnaści, jakija mohuć abjadnać ukraincaŭ. Jaho vinšavańnie z Dniom sabornaści apublikavana ŭ Facebook.
Kiraŭnik dziaržavy zaklikaŭ ukraincaŭ abjadnoŭvacca vakoł kaštoŭnaściaŭ, jakija mohuć stać admietnymi dla ich. U pryvatnaści, jon paraiŭ šanavać demakratyju i svabodu słova, pavažać usie mienšaści, być prystojnymi, sumlennymi, spyniacca na čyrvonaje śviatło, nie pić za rulom.
«Kab być mocnymi, treba być adzinymi. Kab być adzinymi, treba być mocnymi», — padkreśliŭ Zialenski.
Dzień sabornaści Ukrainy adznačajecca 22 studzienia. Data prymierkavana da padpisańnia ŭ 1919 hodzie Aktu ŭźjadnańnia Ukrainskaj Narodnaj Respubliki i Zachodnie-Ukrainskaj Narodnaj Respubliki ŭ adzinuju ŭkrainskuju dziaržavu.