Žychar Alaksandr Dubroŭskich znachodzicca zaraz u izalatary časovaha ŭtrymańnia, dzie adbyvaje 15 sutak aryštu. Pra heta paviedamiŭ «Viciebskaj viaśnie» pravaabaronca Pavał Levinaŭ, spasłaŭšysia na infarmacyju, jakuju atrymaŭ u sudzie i viciebskim IČU.
14 studzienia sudździa Kastryčnickaha rajona Illa Biełavus aštrafavaŭ Alaksandra Dubroŭskich na 30 bazavych vieličyń (810 rubloŭ) za ŭdzieł u minskich akcyjach suprać intehracyi.
Pavodle Paŭła Levinava, paźniej Dubroŭskich pryjšoŭ da sudździ Biełavusa, kab zabrać kopiju pastanovy, ale byŭ zatrymany i asudžany ŭžo sudom Viciebskaha rajonu na 15 sutak administracyjnaha aryštu.
Što zdaryłasia ŭ kabiniecie sudździ i pavodle jakoha artykułu asudzili Dubroŭskich, pakul nieviadoma. Ale ŭ izalatary časovaha ŭtrymańnia pravaabaroncu paviedamili, što Dubroŭskich «siadzić za chulihanku» i budzie vyzvaleny 1 lutaha.
