Ekśpierymient pa miedycynskim vykarystańni marychuany raspačniecca ŭ Francyi ŭ vieraśni hetaha hoda.
Admašku praviadzieńniu ekśpierymientu dało Nacyjanalnaje ahienctva pa biaśpiecy miedykamientaŭ Francyi (Agence nationale de sécurité du médicament).
Dla ekśpierymientu Francyja zakupić marychuanu ŭ zamiežnych vytvorcaŭ, bo ŭ samoj krainie vyroščvańnie raślin z utrymańniem tetrahidrakanabinołu bolšym za 0,2 % zabaronienaje, paviedamlaje «Mond».
Ekśpierymient zakranie 3000 ciažka chvorych pacyjentaŭ, jakija pakutujuć na epilepsiju, niejrapatyčnyja boli, pabočnyja efiekty chimijaterapii, raśsiejany skleroz.
Marychuanu jany buduć atrymlivać u formie aleju ci sušanaha ćvietu. Šlach paleńnia adkinuli, bo dym škodzić zdaroŭju sam saboju. Marychuanu pacyjenty, achoplenyja ekśpierymientam, buduć atrymlivać zadarma.
