Novy typ karanavirusa pieradajecca pieravažna pavietrana-kropielnym šlacham, ale možna zarazicca i praz dotyk da vačej brudnymi rukami, zajaviŭ člen ekśpiertnaj hrupy dziaržkamiteta KNR pa pytańniach achovy zdaroŭja Li Sinvan, piša ria.ru
«Usim abaviazkova treba nasić maski, skaracić kantakty na blizkaj adlehłaści, zaraz blizkaj adlehłaściu ličycca 1-2 mietry ci 1,5 mietra, kali mahčyma zarazicca. <…> Na samym rańnim etapie chvaroba prajaŭlajecca takimi simptomami, jak pavyšanaja tempieratura, słabaść i suchi kašal. U ciažka chvorych moža naziracca ciažkaść dychańnia, až da dychalnaj niedastatkovaści, stan moža pahoršycca, kali jość inšyja zachvorvańni», — patłumačyŭ infiekcyjanist.
Pa słovach Sinvana, u apošni čas pačaścilisia vypadki lohkaj formy zachvorvańnia: u niekatorych zusim nie dachodziła da zapaleńnia lohkich, tolki nievialikaja tempieratura i redki suchi kašal.
«Jość jašče častka pacyjentaŭ, u jakich pavyšeńnie tempieratury cieła nievidavočnaje, u ich časam suchi kašal ci słabaść, hetych ludziej vyjavili, bo jany dobraachvotna pajšli praviaracca. Takija pacyjenty, z punktu zakanamiernaściaŭ infiekcyjnych zachvorvańniaŭ, taksama ŭ peŭnaj stupieni źjaŭlajucca pieranosčykami virusa, što stvaraje peŭnyja składanaści ŭ pracy pa prafiłaktycy epidemii», — dadaŭ jon.
Lačeńnie pacyjenta, jaki zaraziŭsia novym virusam, zajmaje prykładna adzin tydzień, kali chvaroba prachodzić u lohkaj formie, pry ciažkaj formie — dva tydni i bolš.
