Padčas vizitu ŭ Polšču 27 studzienia dla śviatkavańnia 75-hodździa vyzvaleńnia nacysckaha kancłahiera Aŭšvic-Birkienaŭ prezident Ukrainy Uładzimir Zialenski zajaviŭ, što Polšča i polski narod pieršymi adčuli nastupstvy «złačynnaj zmovy tatalitarnych režymaŭ», majučy na ŭvazie padzieł Polščy pamiž SSSR i nacysckaj Niamieččynaj u 1939 hodzie. U Rasiei adreahavali na hetuju zajavu Zialenskaha.
Dyrektar Słužby źniešniaj raźviedki Rasii Siarhiej Naryškin zajaviŭ, što Uładzimir Zialenski ŭsio bolš «apuskajecca ŭ idei ŭkrainskaha nacyjanalizmu», a pres-sakratar prezidenta Rasii Uładzimir Piaskoŭ nazvaŭ vykazvańni Zialenskaha «pamyłkovymi».
«Vidać, što spadar Zialenski ŭsio bolš i bolš apuskajecca ŭ idei ŭkrainskaha nacyjanalizmu, nie žadajučy pamiatać pra toje, pa jakim pryncypie nazyvalisia čaści Čyrvonaj Armii», — skazaŭ Naryškin.
«My nie prymajem hetuju zajavu, ličym jaje pamyłkovaj i abraźlivaj z punktu hledžańnia pamiaci našych dziadoŭ», — skazaŭ Piaskoŭ.
