Štohadovy rejtynh vałodańnia anhlijskaj movaj English Proficiency Index, u jakim pradstaŭlena 100 krain śvietu, pa vynikach 2019 hoda pastaviŭ Biełaruś na 47 miesca sa 100, piša interfax.by.
Pa hetym paramietry Biełaruś abyšła Rasiju (48) i Ukrainu (49), adnak značna sastupiła Polščy (11), Litvie (21) i Łatvii (22).
Lidaram pa vynikach minułaha hoda pryznanyja Niderłandy, jakija apiaredzili raniejšaha lidara — Šviecyju. Taksama ŭ top-3 trapiła Narviehija.
47-ja pazicyja Biełarusi adpaviadaje, pavodle mietadałohii ekśpiertaŭ, adznacy «nizki ŭzrovień». U hetuju ž katehoryju ŭvajšli jašče 22 krainy. Acenki «Vielmi vysoki ŭzrovień» i «vysoki ŭzrovień» atrymali 29 krain z sotni.
Asobna aceńvałasia viedańnie anhlijskaj žycharami stalic. Minsk uvajšoŭ u pieralik haradoŭ z «umieranym vałodańniem». Zhodna z acenkaj ekśpiertaŭ, u dastatkovaj miery movaj mižnarodnych znosin vałodaje 53,58% žycharoŭ biełaruskaj stalicy.
