U tielehram-kanale Nexta źjaviłasia paviedamleńnie, što ŭ pasiołku Pryvolny pad Minskam špitalizavali dalnabojščyka adnoj z bujnych łahistyčnych kampanij z padazreńniem na karanavirus.
Jak paviedamiŭ kanał, kiroŭca niadaŭna viarnuŭsia z Kitaja. U jaho rezka padniałasia tempieratura — kalehi vyklikali chutkuju. Miedyki, jakija pryjechali na vyklik, byli ŭ śpieckaściumach, pacyjenta taksama pieravozili ŭ admysłovym izalacyjnym boksie.
Pres-sakratar Ministerstva achovy zdaroŭja Julija Baradun prakamientavała Tut.by, što dalnabojščyk byŭ u Mańčžuryi, 11 studzienia pakinuŭ jaje. U mužčyny była tempieratura 37,1 hradus, ciapier jana narmalizavałasia, i jon adpačyvaje ŭ admysłovym boksie ŭ balnicy. Karanavirus u pacyjenta nie paćvierdziŭsia.
0
0
0
0
0
0
