Praciahvajecca padrychtoŭka śviatkavańnia Dnia Voli — 2020. Čatyry apazicyjnyja siły (AHP, Ruch «Za Svabodu», BSDP, BCHD) abvieścili, što adznačeńnie 102-ch uhodkaŭ niezaležnaści BNR budzie adbyvacca ŭ niadzielu, 22 sakavika.
Stała viadoma, chto budzie viadučym mierapryjemstva — im pahadziŭsia stać žurnalist Jeŭraradyjo Źmicier Łukašuk.
Pra heta «NN» paviedamiŭ staršynia BSDP Ihar Barysaŭ.
Źmicier Łukašuk. Fota facebook.com.
«BNR — značnaja padzieja ŭ historyi Biełarusi, dałučycca da śviatkavańnia ŭ jakaści viadučaha — heta, biezumoŭna, honar», — skazaŭ «NN» Źmicier Łukašuk.
«Pakul jašče nie abmiarkoŭvałasia muzyčnaja častka prahramy, ale spadziajusia dałučycca da jaje składańnia, kab być nie prosta viadučym.
Kali budu mieć mahčymaść na niešta paŭpłyvać, to pasprabuju ŭpisać u prahramu ŭsich «hienierałaŭ ajčynnaha roku», — skazaŭ Źmicier.
Padtrymać hrašyma arhkamitet śviatkavańnia BNR-102 možna tut.
