Złučanyja Štaty paśla taho, jak padpišuć paŭnavartasnaje handlovaje pahadnieńnie z Kitajem, pačnuć bolš aktyŭna vieści handlovyja pieramovy ź Jeŭropaj. Pra heta zajaviŭ Donald Tramp, vystupajučy ŭ čaćvier pierad svaimi prychilnikami ŭ štacie Ajova, piša tass.ru.
«Jeŭropa nastupnaja. Ja chaču skončyć z Kitajem da taho, jak my prystupim da Jeŭropy», — adznačyŭ jon, kali kazaŭ pra pieršuju fazu handlovaj ździełki pamiž Piekinam i Vašynhtonam. «U nas nikoli nie było lepšych adnosinaŭ z Kitajem, čym ciapier. Heta pryhožaja historyja», — dadaŭ Tramp.
Źviartajučysia da fiermieraŭ štata, jon zaŭvažyŭ, što paśla dasiahnutych im pahadnieńniaŭ u handlovaj śfiery z roznymi krainami jany «buduć zarablać vielmi šmat hrošaj». Pry hetym, jak śćviardžaje kiraŭnik vašynhtonskaj administracyi, kali jaho nie pieraabiaruć ŭ listapadzie hetaha hoda, usie ich «fiermy zhalejuć».
Raniej Tramp zajaviŭ pra surjoznaść namieraŭ uvieści myty na impart aŭtamabilaŭ ź ES, kali bakam nie ŭdasca zaklučyć handlovaje pahadnieńnie na ŭmovach, jakija zadavalniajuć Vašynhton.
