Dziaržaŭny sakratar ZŠA Majk Pampiea prylacieŭ va Ukrainu z rabočym vizitam. Pra heta paviedamiŭ namieśnik kiraŭnika ŭkrainskaha MZS Jahor Bažok u tvitary.
«Ukraina vitaje vialikaha siabra z ZŠA», — napisaŭ Bažok, adznačyŭšy, što Pampiea asabista zrabiŭ mnohaje, kab padtrymać Ukrainu «u ciažkija časy rasijskaj ahresii». Padčas svajho vizitu Pampiea sustreniecca z ukrainskim prezidentam Uładzimiram Zialenskim.
Pampiea taksama paviedamiŭ pra svajo prybyćcio va Ukrainu ŭ tvitary. Jon adznačyŭ, što płanuje abmierkavać ź Zialenskim «šlachi prasoŭvańnia našaha stratehičnaha partniorstva i ŭmacavańnia pazicyi Ukrainy jak svabodnaj i demakratyčnaj dziaržavy».
U subotu Pampiea pavinien prylacieć u Minsk. Paviedamlałasia, što tut adbudziecca jaho sustreča z Alaksandram Łukašenkam.
