Taryfy na pasłuhi pa transparciroŭcy nafty pa mahistralnych trubapravodach, raźmieščanych na terytoryi Biełarusi, z 1 lutaha pavyšajucca na 6,6%, paviedamlaje MARH.
U ministerstvie adznačyli, što ŭ čas praviedzienych pieramovaŭ z kalehami ź Fiederalnaj antymanapolnaj słužby Rasii, niahledziačy na raniej dasiahnutyja damoŭlenaści ab nieabchodnaści kampiensacyi strat AAT «Homieltransnafta Družba», prapanovy MARH padtrymanyja nie byli. Takim čynam, baki nie damovilisia pra pamiery pavyšeńnia taryfaŭ, ab čym byŭ składzieny i padpisany pratakoł roznahałośsiaŭ.
«U hetym razie, zhodna z zaćvierdžanaj Ministerstvam ekanomiki Biełarusi i Fiederalnaj słužbaj pa taryfach Rasii 27 studzienia 2010 hoda mietodykaj vyvučeńnia taryfaŭ na pasłuhi pa transparciroŭcy (tranzicie) nafty pa mahistralnych trubapravodach, raźmieščanych na terytoryi Respubliki Biełaruś, MARH pryniataje rašeńnie ab pavyšeńni taryfaŭ na 6,6 pracenta», — paviedamili ŭ ministerstvie.
