U čaćvier, 30 studzienia ŭ milicyju patelefanavaŭ 70-hadovy žychar vioski Stary Kapyl. Jon raspavioŭ, što pa dvary jaho doma biehaje bujny sabaka, jaki ŭžo ŭkusiŭ mužčynu za ruku.
Na miesca vyjechali učastkovy, ekipaž DAI i supracoŭniki ŽKH. Sabaku sprabavali złavić, advieści z dvara. Ale žyvioła pavodziła siabie ahresiŭna.
Kamunalniki sprabavali ŭsypić sabaku, vypuściŭšy ŭ jaho ź pnieŭmatyčnaha pistaleta čatyry drociki sa snatvornym, ale heta nie dało naležnaha efiektu, a tolki jašče bolš raźjušyła žyviołu.
Kali milicyjaniery ŭ čarhovy raz nablizilisia, sabaka kinuŭsia na ŭčastkovaha inśpiektara milicyi. Dla abiasškodžańnia žyvioły milicyjanier užyŭ tabielnuju zbroju.
Paciarpiełaha piensijaniera z ranaj kiści dastavili ŭ balnicu. Trup sabaki adpravili na vietstancyju dla praviadzieńnia adpaviednaj ekśpiertyzy.
