«Minsktrans» płanuje «terminova demantavać» hukavy rolik pra błakavańnie sistem apłaty ŭ sałonach minskich aŭtobusaŭ. Takoje rasparadžeńnie hiendyrektara razyšłosia pa sacsietkach dniom 4 lutaha. Jak daviedaŭsia TUT.BY, faksahrama realnaja.
Nahadajem, dniami ŭ minskich aŭtobusach puścili abviestki pra toje, što sistemy apłaty ŭ aŭtobusach buduć błakavacca adrazu paśla pačatku ruchu. U «Minsktransie» rastłumačyli, što tak majuć namier zmahacca ź bieźbiletnikami. Maŭlaŭ, zakonapasłuchmianyja pasažyry apłacić prajezd paśpiejuć — na heta budzie 15 siekund paśla zakryćcia dźviarej.
Navina sparadziła šmat žartaŭ i niekalki hnieŭnych pietycyj u adras staličnych transpartnikaŭ.
Siońnia źjaviłasia faksahrama, jakuju rassyłajuć u aŭtobusnyja parki. «Terminova zabiaśpiečcie demantaž hukavoha rolika pa błakavańni sistem apłaty ŭ sałonach aŭtobusaŭ», — napisana ŭ dakumiencie.
Infarmacyju ab praviedzienaj pracy hiendyrektar pradpryjemstva patrabuje padać da 17.00 4 lutaha.
Jak paviedamili karespandentu BIEŁTA na DP «Staličny transpart i suviaź», tam nie padtrymali inicyjatyvu «Minsktransa». Na pradpryjemstvie zapeŭnili, što novaŭviadzieńniaŭ pakul nie płanujecca:
błakavać validatary i kampościery padčas ruchu nie buduć, tamu pasažyry mohuć apłačvać prajezd u zvyčajnym farmacie.