U Rasii admianili prysud śviataru Mikałaju Kirejevu, jakoha asudzili ŭ Biełarusi na 5,5 hoda za sprobu arhanizavać vyvaz dziaŭčat za miažu dla zaniaćcia prastytucyjaj, paviedamlaje sajt Vybarhskaj jeparchii RPC.
Kirejeŭ byŭ apraŭdany Leninhradskim abłasnym sudom i vyzvaleny z-pad varty 30 studzienia.
Nahadajem, śviatara asudzili ŭ listapadzie 2017 hoda ŭ Biełarusi. Rasijanina vinavacili ŭ zamachu na arhanizacyju i vykarystańnie zaniaćcia prastytucyjaj inšymi asobami, spałučanyja z vyvazam za miežy dziaržavy asob dla prastytucyi.
Baciušku złavili, kali jon sprabavaŭ sieści ŭ aŭtobus razam z 20-hadovaj i 30-hadovaj žančynami. Paviedamlałasia, što śviatar z krasavika pa žnivień 2017 hoda pierapisvaŭsia ŭ internecie z hetymi žančynami. Atrymaŭšy ich zhodu na zaniaćcie prastytucyjaj za hrošy ŭ Sankt-Pieciarburhu, 3 žniŭnia abvinavačvany pryjechaŭ u Viciebsk, kab dastavić ich u Rasiju.
Biełaruski sud pryhavaryŭ Kirejeva da 5 hadoŭ i 6 miesiacaŭ pazbaŭleńnia voli ŭ kałonii ŭzmocnienaha režymu z kanfiskacyjaj majomaści. U žniŭni 2019 hoda Kirejeŭ adpraviŭsia adbyvać pakarańnie ŭ Rasiju.
Čytajcie taksama:
Rasijski śviatar pajechaŭ u tur pa manastyrach, a znajšoŭsia ŭ Viciebsku ŭ prytonie z prastytutkami
Viciebski sud razhledzieŭ apielacyju rasijskaha śviatara, jaki abvinavačvajecca ŭ suteniorstvie
