Nie mienš za adzinaccać čałaviek zahinuli ŭ vyniku stralaniny ŭ niamieckim horadzie Chanau, raźmieščanym u fiederalnaj ziamli Hiesen prykładna za 20 kiłamietraŭ ad Frankfurta-na-Majnie. Takija źviestki palicyja apublikavała ŭ noč na čaćvier. Akramia taho, jak minimum piać čałaviek atrymali ciažkija ranieńni, adznačajecca ŭ zajavie pravaachoŭnikaŭ, paviedamlaje Deutsche Welle.
Pa paviedamleńniach vidavočcaŭ, viečaram 19 lutaha nieviadomyja adkryli ahoń u adnoj z kaljannych u centralnaj častcy Chanau, zastrelili minimum troch čałaviek.
Napadniki źbiehli, a praź niekatory čas źjaviłasia infarmacyja ab padobnym zdareńni ŭ kaljannaj, jakaja znachodzicca ŭ inšym rajonie horada — Kieselštat. Pavodle niepaćvierdžanych źviestak, u pamiaškańnie ŭvajšoŭ mužčyna i adkryŭ stralaninu, zabiŭšy piaciarych čałaviek. Achviary ŭ asnoŭnym maładyja ludzi, u tym liku žančyna. Jašče adzin čałaviek pamior praź niekalki hadzin ad atrymanych ran.
Paviedamlajecca, što adzin čałaviek byŭ zatrymany, u ŚMI źjavilisia zdymki maładoha mužčyny ŭ kajdankach, jakoha viaduć palicejskija, adnak palicyja nieŭzabavie zajaviła, što zatrymany nie maje nijakaha dačynieńnia da abodvuch napadaŭ. Terytoryja vakoł miescaŭ zdareńniaŭ była ačeplenaja.
Zatym palicyja vyjaviła jašče dva trupy ŭ adnoj z kvater, siarod ich, vierahodna, cieła mierkavanaha złačynca.
